Технологийн салбарт хамгийн өргөн ашиглагддаг GitHub платформын боловсролын салбарт зориулсан GitHub Education платформ дээрх Student Developer Pack хөтөлбөрийн талаар, хэрхэн хөтөлбөрт хамрагдаж суралцаж буй хугацаандаа хөтөлбөрөөс санал болгосон боломжуудыг ашиглах зэрэг мэдээллийг технологийн салбарт суралцан, боломжуудыг эрэлхийлж байгаа сурагч, оюутнуудад хүргэхийг зорилоо.

Хувийн туршлага

Миний хувьд ШУТИС-МХТС-д Системийн Аюулгүй Байдал мэргэжлээр дөрөв дэх жилдээ суралцаж байгаа төгсөх курсийн оюутан. Оюутан болоод олон төрлийн мэдээлэл, дадлагажих хөтөлбөр, оюутнуудад зориулсан боломжийг хайж судалж үзэж байсан ч GitHub Student Developer Pack хөтөлбөрийн талаар саяхан олж мэдсэн нь төгсөж байгаа оюутны хувьд хоцорч мэдсэн явдал болсон🥲. Тийм ч учраас бусад залууст хөтөлбөрийн талаар мэдэхгүй нэгэнд нь зориулан нийтлэл бичихээр оролдлоо.

South Park Nervous

TL;DR: GitHub Student Developer Pack - Яг юу юм бэ?

Ерөнхийдөө сурагч/оюутан байх үедээ өөрөө л ажил хийж мөнгө олохгүй бол GitHub Copilot ашиглахын тулд сард 10$ төлнө гэдэг чамгүй даваа. Төлөх боломжтой байсан ч сургуулиа төгстөл үнэгүй ашиглах боломжийг Student Developer Pack хөтөлбөр санал болгодог.

Уг хөтөлбөр нь зөвхөн GitHub платформын бүтээгдэхүүн, subscription дээрээс хөнгөлөлт эсвэл үнэгүй ашиглах эрхтэй болохоос илүүтэйгээр мэдээлэл технологийн шийдэл, үйлчилгээ үзүүлэгч компаниудын боловсролд хөрөнгө оруулж буй боломжуудыг нэгтгэн санал болгож байгаа багц юм.

Student Developer Pack-т ямар ямар үйлчилгээнүүд үнэгүй багтдаг вэ?

https://education.github.com/pack вэбээр орж үзвэл илүү дэлгэрэнгүй байгаа. Сүүлийн хоёр жил хүн бүрийн амны хэллэг болсон Generative AI-н шийдэл болох хөгжүүлэгчийн туслах GitHub Copilot-с эхлээд үнэгүй domain нэр авах боломж (namecheap, name.com, get.tech сайтуудаас), Microsoft Azure, DigitalOcean Cloud hosting болон Heroku зэрэг PaaS-үүд дээр credit авах боломжууд нь надад хамгийн таалагдсан нь.

Зөвхөн хөгжүүлэгч болохоор зорьж байгаа оюутан сурагчид гэлтгүй Data Science & Machine Learning, ажлын ярилцлагад бэлдэх сургалтын платформууд болон hackathon-д оролцох үеэр тулгардаг сервер, судалгааны платформ зэргийг ч шийдэх боломжтой үйлчилгээнүүд багтсан. Мөн хөтөлбөрт шинэ үйлчилгээ, бүтээгдэхүүнүүд нэмэгдсээр байдаг юм байна лээ.

Яаж хөтөлбөрт хамрагдах вэ?

GitHub Education платформын хөтөлбөрүүд зөвхөн сурагч оюутан руу биш мөн багш, сургалтын хөтөлбөрүүдэд зориулсан боломжуудтай байдаг ба өөрийгөө албан ёсны боловсролын байгууллагын нэг хэсэг гэдгээ нотлоход хангалттай. GitHub Global Campus, GitHub Education Community, GitHub Classroom, GitHub Community Exchange зэрэг олон хөтөлбөр, community-гийн нэг хэсэг болох боломжтойгоос гадна давуу талуудыг ч ашиглах боломж бүрдэнэ.

Үүний тулд дараах шаардлагуудыг хангаж байх ёстой:

  • Ахлах сургууль, дунд сургууль, коллеж, их сургууль эсвэл ижил төстэй боловсролын байгууллагад диплом, гэрчилгээ эзэмшихээр суралцаж байх
  • Сургуулиас олгосон баталгаажуулах боломжтой имэйл хаягтай байх (.edu орсон имэйл хаяг) эсвэл оюутан сурагч гэдгийг нотлох баримт бичигчтэй байх
  • GitHub платформ дээр бүртгэл үүсгэсэн байх
  • 13 ба түүнээс дээш настай байх

Таныг нотлох баримт бичигт сургуулийн үнэмлэх, элссэн огноотой баримт, хичээлийн хуваарь, дүнгийн хуудас болон таныг баталгаажуулах захидал зэрэг багтдаг. Мөн өөрийгөө суралцсан хэвээр байгаагаа ахин нотолж хөтөлбөрөө үргэлжлүүлсээр байж болно.

Хэрэв та шаардлагын дагуу GitHub platform дээр https://docs.github.com/en/get-started/start-your-journey/creating-an-account-on-github зааврын дагуу бүртгэл үүсгэсэн бол дараах алхмуудын тусламжтайгаар хөтөлбөрт хүсэлт илгээнэ.

Note: docs.github.com-с дараах мэдээллийг хүргэлээ.

Хүлээх хугацаа болон яаж эрхүүдийг ашиглах вэ?

Миний хувьд 7 хоногийн дотор хүсэлтээ шийдвэрлүүлж, эрхүүдээ ашиглах боломжтой болсон. Хэрэв хүсэлтийн материал алдаатай, зөвшөөрөөгүй тохиолдолд дараах мэдээллийг уншихыг зөвлөж байна.

Хэдийгээр хүсэлтийг зөвшөөрсөн ч эрхүүдээ ашиглах боломжгүй хүлээгдэж байгаа бол хүсэлт зөвшөөрөгдсөнөөс хойш 72 цагийн хугацаанд benefit ашиглах боломж нээгддэг.

Асууж тодруулах болон холбогдол бүхий зүйлсийн талаар асуух бол сошиал хаягуудаар маань холбогдоорой :D

❤️Нийтлэлийг уншсанд баярлалаа!